Ana səhifə / İqtisadiyyat / Keçmiş nazirə “Azərbaycanın casusu” dedi – VİDEO

Keçmiş nazirə “Azərbaycanın casusu” dedi – VİDEO

Bu gün İsrail parlamentində (Knesset) “Bizim evimiz İsrail” partiyasının təqdim etdiyi “Xarici agentlər haqqında” qanun layihəsinin müzakirəsi zamanı qalmaqal baş verib.

Virtualaz.org İsrail mənbələrinə istinadən xəbər verir ki, keçmiş xarici işlər naziri Aviqdor Libermanın başçılıq etdiyi həmin fraksiyadan deputat Robert İlatovun irəli sürdüyü, xaricdən qrant alan QHT-lərə “agent” statusunun verilməsini nəzərdə tutan qanun layihəsinin müzakirəsi zamanı  solçu MERETS partiyasının lideri Zaava Qalyonla Aviqdor Liberman arasında qarşıdurma yaranıb.

Zaava Qalyon qanun layihəsini sərt tənqid edərək deyib ki, onu irəli sürənlərin özləri xarici agentdir. Özü də Azərbaycan hökumətinin agentləri. “Mən Knessetdən olan deputat yoldaşlarıma demək istəyirəm ki, xarici agentlər haqda bu qanun layihəsi ilk növbədə Robert İlatovun özünə və onun “Bizim evimiz İsrail” partiyasının sədri Aviqdor Libermana aid olmalıdır. Siz xarici agentlərsiniz…məni diqqətlə dinləyib…azərbaycanlıların agenti! Azərbaycan hökumətinin İsraildəki agentləri! Siz onlardan qanunsuz yardım alırsınız! Siz təşkilat yaratmışınız və onun vasitəsilə pul alırsınız!”-Zeev Qalyon parlament tribunasından isterik tərzdə bildirib.

Azərbaycandan pul alan struktur kimi Qalyon Azərbaycan-İsrail Dostluq Assosiasiyası Azİz-i misal göstərib. Onun sözlərinə görə, həmin təşkilat Azərbaycan hökuməti tərəfindən maliyyələşdirilir və Libermanın partiyasına xidmət edir. “İndi belə adamlar xarici agentlər haqda qanun qəbul etdirmək istəyir”-deputat çıxışını davam etdirib.

Daha sonra o, Libermanın xarici işlər naziri olarkən SOCAR tərəfindən təşkil edilən konfransda iştirakını “kompromat” kimi xatırladıb. Habelə “şok fakt” açıqlayaraq deyib ki. SOCAR İsrail sahillərində hansısa neft yatağında kəşfiyyat aparır. İsrail mətbuatı xatırladır ki, deputat SOCAR –ın törəmə şirkəti Caspian Drilling Company tərəfindən aparılan kəşfiyyat işlərini nəzərdə tutur, hansı ki, bu haqda dəfələrlə KİV-lərdə xəbər yayılıb.

“Siz “erməni soyqırımı”nın tanınmasının qarşısını alırsınız, çünki Azərbaycanın agentlərisiniz. Bundan sonra ictimai təşkilatlarda necə şəffaflıq tələb edə bilərsiniz?”-Qalyon Libermana üzünü tutaraq deyib.

Liberman isə cavabında deyib ki, Qalyon rəhbərlik etdiyi ictimai təşkilatın hesabından on minlərlə dolların yoxa çıxmasına görə istintaqda 12 saat ifadə verib. Habelə Qalyon baş tutmayan konfransın təşkilinə görə 60 min dollar pul alıb. Qızğın müzakirələrdən sonra qanun layihəsi ikinci oxunuşda qəbul edilib.

Həmçinin oxuyun

Gömrük xətti ilə büdcə daxilolmaları AZALDI 

Cari ilin yanvar-fevral aylarında gömrük orqanlarının xətti ilə dövlət büdcəssinə 485 milyon 613.7 min manat …

Bir cavab yazın