İt penisinin qızartması, çəyirtkə şorbası, siçan kababı, qurd qovurması – Gözlərinizə inanmyacaqsınız

Böcək konservası, ilan supu, it penisinin qızartması, çəyirtkə şorbası, siçan kababı və daha nələr-nələr. Yəqin ki, bu xörək adlarını oxuyanda belə artıq ürəyiniz bulanmağa başlayacaq. Nəinki bunlara qonaq olmağı arzulayacaqsınız. Hətta “Bunları yemək olarmı ki?” deyə sual da verəcəksiniz. Ancaq dünyanın elə ölkələri var ki, bu xörəkləri sevə-sevə nuş edirlər, bu qurd-quş onların əvəzedilməz  təamlarıdır.

Məsələn, Çində qızardılmış və dilim-dilim kəsilmiş siçan, çəyitkə, it penisi əvəzsiz qida hesab olunur və bunlardan müxtəlif xörəklər hazırlanır. Amerika Birləşmiş Ştatlarında məktəblilərə qızardılmış qurd verilir.  Bəzi Afrika ölkələrində isə çəyirtkə əhəmiyyətli bir qida növüdür. Cənubi Koreyada it əti ənənəvi bir qidadır. Balina əti Yapon mətbəxinin ən mühüm təamlarındadır.

Həmin ölkələrdə mağazalarda bu heyvanların satıldığı ərzaq şöbələri mövcuddur, xüsusilə də Çində, Yaponiyada, Cənubi Koreyada. Məsələn, Çində ancaq böcək, çəyirtkə, qurd, Peruda isə köpək balığı satılan ərzaq bölmələri mövcuddur.  Çində, həmçinin küçələrdə qızardılmış siçan satan qadınlara rast gəlmək mümkündür.

Hətta bəzi ölkələrdə bu heyvanların satıldığı üsusi bazarlar da mövcuddur və həmin bazarlar dünyanın qorxulu bazarları kimi məşhurdur. Belə bazarlardan biri İndoneziyada yerləşir. Həmin qorxulu bazarda quraşdırılmış qəfəslərdə müxtəlif heyvanlar:  itlər, meymunlar, piton ilanları, donuzlar, pişiklər, siçovullar, yarasalar saxlanılır. Öldürülməzdən bir müddət əvvəl qəfəsdə saxlanılan bu heyvanlar müştərilər üçün xüsusi hazırlanır. Belə ki, heyvanlar əvvəlcə iplə boğulur, daha sonra hisə verilərək müştərilərə satılır.