Şənbə , Oktyabr 31 2020
Ana səhifə / İqtisadiyyat / İstanbul birjası 2,3% düşüb, dollar 2,94 lirə olub

İstanbul birjası 2,3% düşüb, dollar 2,94 lirə olub

Cümə günü Türkiyədə baş verən məlum hadisələrdən sonra bu gün, iyulun 18-də İstanbul fond birjasının əsas indeksi sayılan BİST-100 2,3% azalaraq 80900 bəndə, TRY/USD məzənnəsi isə 2,94 -ə çatıb.

“Report” “Bloomberg” agenliyinə istinadən xəbər verir ki, məlum çevriliş cəhdi hadisəsinin baş verdiyi saatlarda beynəlxalq valyuta bazarları açıq olduğundan TRY/USD məzənnəsi cümə günü, iyunun 15-də 5% artaraq 3,03-ə yüksəlmişdi. Bu gün səhər saatlarında isə siyasi konyunkturanın sabitləşməsi ilə məzənnə 3% geriləyərək 2,94-ə çatıb.
“Report analitik qrupu hesab edir ki, BİST-100 indeksinin ölkədə siyasi sabitlik tam bərqərar olana qədər təzyiqlə üzləşəcəyi və 75000-80 000 bənd diapazonunda, TRY/USD məzənnəsinin isə qısa müddət ərzində 2,90-3,00 diapazonunda qalacağı ehtimal edilir. İlin sonuna doğru isə BİST-100 65000, TRY/USD isə 3,20 səviyyəsinə yüksələ bilər.

Həmçinin oxuyun

Manata təhlükə varmı? – ŞƏRH

Azərbaycan Mərkəzi Bankı (AMB) uçot faiz dərəcəsini sabit saxlayıb. Bu barədə faiz dəhlizinin parametrlərinə dair …

Bir cavab yazın