Türkiyənin Ədirnə bölgəsində yaşayan iş adamı Mustafa Altunxan , bəslədiyi toyuqları üçün ad günü keçirib. O “doğum günü şənliyini” tort kəsərək qeyd edib.
Moderator.az xəbər verir ki, Mustafa Altunxan sosial mediada maraqlı paylaşımlarıyla diqqət çəkir. O, bəəzn, keçi, ilan kimi heyvanlarla “dialoqlarlarını” da paylaşaraq böyük marağa səbəb olub. Bu dəfə toyuqlarına ad günü şənliyi təşkil edərək onlara əliylə tort yedizdirib və çıxış edib: “Doğum gününüz mübarək olsun. Siz hamınız eyni gündə- bu gün doğulmusunuz. Hər halda toyuqlarına doğum günü qeyd edən ilk bizik. Siz olmasanız nəvələrim Rüzgara, Mustafaya, Torpağa kim gözəl yumurta verəcək. Siz yeyin ki, gözəl yumurtalar verin”.