Cümə axşamı , Oktyabr 17 2019
Ana səhifə / İqtisadiyyat / İran tarixində inqilabdan sonra ilk: qadın səfir təyin edildi

İran tarixində inqilabdan sonra ilk: qadın səfir təyin edildi

İnqilabdan sonra İranda ilk dəfə qadın səfir təyin olunub.

İran Xarici İşlər Nazirliyinin mətbuat katibi Mərziyə Əfham İslam Respublikasının Malayziyadakı səfiri postuna təyin edilib.

Bu barədə azvision.az Rusiya KİV-nə istinadən xəbər verir.

Bu, 1979-cu ildə İslam inqilabından sonra İranda ilk haldır ki, qadın səfir vəzifəsində təyinat alıb.

Əfham Kuala –Lumpurdakı missiyasına yaxın vaxtlarda başlayacaq.

Qeyd edək ki, 53 yaşlı Mərziyə Əfham 2013-cü ilin avqustunda ölkə XİN-in rəsmi nümayəndəsi vəzifəsinə təyin olunub. Həmin vaxt bu, İranda böyük rezonansa səbəb olmuşdu.

Daha əvvəl isə o, 8 il ərzində XİN-in informasiya və nəşrlər üzrə baş direktoru vəzifəsində çalışıb.

Əfham İran tarixində səfir təyin edilən ikinci qadındır. 1976-cı ildə İran şahı Məhəmməd Rza Pəhləvi Mehrangiz Dolatşahini Danimarkaya səfir təyin etmişdi.

Həmçinin oxuyun

Azərbaycanı gözləyən inflyasiya proqnozu açıqlandı

Beynəlxalq Valyuta Fondu (IMF) “Global Economic Outlook” hesabatının oktyabr sayını geniş ictimaiyyətə təqdim edib. Hesabatda …

Bir cavab yazın