İran TANAP-a qoşula bilər

İran hasil etdiyi təbii qazı Avropa bazarlarına çatdırmaq məqsədilə Trans-Anadolu (TANAP) kimi böyük regional layihəyə qatıla bilər.

Bu barədə İranın Azərbaycandakı səfiri Möhsün Pakayin yerli mətbuata verdiyi açıqlamasında deyib.
Səfir nəzərə çatdırıb ki, Azərbaycan İranın vacib iqtisadi tərəfdaşıdır: “İki dövlət birlikdə tikinti və tranzit layihələrin reallaşmasına investisiya yatıra bilərlər”.
M.Pakayin qeyd edib ki, sanksiyaların aradan qaldırılması rəsmi Bakı ilə Tehranın daha da yaxınlaşmasına səbəb olacaq. Neft və qazla zəngin olan hər iki ölkə birlikdə neft sahəsinə də investisiya qoya bilərlər.