Ana səhifə / İqtisadiyyat / “İnvestorlar üçün ilkin layihə hazırlanması” mövzusunda treyninq keçirilib

“İnvestorlar üçün ilkin layihə hazırlanması” mövzusunda treyninq keçirilib

11 oktyabr 2022-ci il tarixində “KOB-lara P2P üzrə investisiya mənbələrindən istifadənin öyrədilməsi” adlı layihəmizin birinci mərhələsi çərçivəsində keçirilən “İnvestorlar üçün ilkin layihə hazırlanması” mövzusundakı onlayn treyninqlərin sonuncusu baş tutub.

Qeyd edək ki, bu təlimlər Azərbaycan Respublikasının Qeyri-Hökumət Təşkilatlarına Dövlət Dəstəyi Agentliyinin maliyyə yardımı ilə İqtisadi Resursların Öyrənilməsi İctimai Birliyi tərəfindən icra olunan “KOB-lara P2P üzrə investisiya mənbələrindən istifadənin öyrədilməsi” adlı layihə çərçivəsində reallaşmışdır. Layihənin icrasına sentyabr ayının birindən başlanılıb. Birgə işə sərmayə cəlbində ideya sahibləri olan təşəbbüskarların başlıca problemləri öz biznes ideyalarını yazı halına gətirərək sərmayədarların qarşısına sanballı İnvestisiya layihəsi qoya bilməməsi belə bir layihənin həyata keçirilməsinə zəmin yaratmışdır.

Proqram çərçivəsində sahibkarlara Azərbaycanda mövcud olan P2P (investor və təşəbbüskarın tərəfdaşlığı) maliyyə mənbələri haqqında, dövlət və özəl investisiya şirkətləri barəsində məlumat verilmiş, investisiya layihəsinin yazılması qaydası praktiki olaraq öyrədilmişdir. Təlimi bitirənlər öz bizneslərinə investisiya cəlbi üçün ideyalarını layihə formasına salmaq bacarığına yiyələndiklərinə ümid edirik. 4, 5, 6, 7 və 11 oktyabr tarixlərində zoom platforması vasitəsilə həyata keçirilən 5 treyninqə ümumi olaraq 70-ə yaxın iştirakçı qatılmışdır. Onların arasında tələbələr, sahibkarlar, yeni iş qurmaq istəyən təşəbbüskarlar, fərqli mərkəzlərin rəhbər və üzvləri akitv iştirak etmişdir.

Qeyd edək ki, hər onlayn görüşün proqramı eyni olsa da, treyninqə qatılan iştirakçıların fərqli sualları, yaşadıqları təcrübələr, qarşılaşdığı çətinliklər və aparılan qarşılıqlı müzakirələr görüşləri rəngarəng etmişdir. Bütün treyninqlər İqtisadi Resursların Öyrənilməsi İctimai Birliyinin rəsmi YouTube kanalı və Facebook səhifəsi üzərindən canlı şəkildə yayımlanmışdır.

Həmçinin oxuyun

Bir neçə ay ərzində 100 minlik tenderləri udan Vüsalə Sultanova kimdir? – Faktlar

Gəncə Dövlət Universitetinin nəzdində Regional Kollec tərəfindən keçirilən tender müsabiqəsinin qalibi məlum olub.Dəyəri 58 min …