Ana səhifə / İqtisadiyyat / “İl ərzində bankların bağlanması prosesi davam edəcək”

“İl ərzində bankların bağlanması prosesi davam edəcək”

“Baxmayaraq ki, 13 gün öncə 2020-ci ilin birinci rübünün sosial-iqtisadi yekunlarına həsr olunan videokonfrans şəklində müşavirədəkı çıxışında Azərbaycanda bank sistemi sabit və likviddir deyən Mərkəzi Bank sədrinin növbəti dönəmdə ilk qərarı 4 bankın fəaliyyətinin dayandırılması oldu. Bununla da fəaiyyəti dayandırılan bankların sayı 17-ə çatdı. Hesab edirəm ki, bu da son deyil, yəqin ki, il ərzində bankların bağlanması və ya birləşməsi prosesi davam edəcək”.

Bu fikirləri iqtisadçı Qubad İbadoğlu bu gün 4 bankın fəaliyyətini dayandırmasına münasibət bildirərkən deyib.

İqtisadçı ekspert bildirib ki, həmin banklarda 812,5 milyon manat əmanət qalıb:

“Bu gün Azərbaycan Mərkəzi Bankının İdarə Heyətinin qəbul etdiyi qərarla “Atabank”, “AGBank”, “NBC Bank” və “Amrah Bank” ASC-lərə müvəqqəti inzibatçılar təyin olunub. Bu gündən həmin bankların ödəmə qabliyyətini itirdiyinə görə ləğv edilməsinə başladı. Bu o deməkdir ki, həmin bankların idarə heyəti bu gündən sonra səlahiyyətlərini itirir, ondan sonra ləğv etmə komissiyasının tövsiyyəsi əsasında banklar ya bağlana, ya da birləşə bilər, ondan sonra isə bankda olan əmanətlərin geri qaytarılmasına başlanılmalıdır”.

Qubad İbadoğlu bağlanılan banklarda qalan əmənətlərin taleyinin necə olacağı haqda danışıb: “Əmanətlərə gəlincə, 1 oktyabr 2019-cu ilə olan son məlumata görə “Atabank”-da 286,3 milyon manat, 1 yanvar 2020-ci ildə isə “AGBank” -da 208,2 milyon manat, “NBC Bank” 142,8 milyon manat və “Amrah Bank”-da 175,2 milyon manat əmanət vardır. Beləliklə də, 4 bankda cəmi 812,5 milyon manat əmanət qalıb. Əmanətlərin qaytarılması Əmanətlərin Sığortalanması Fondu tərəfindən aparılacaq. Bu zaman ilk növbədə sığortalanmış əmanətlər sahiblərinə qaytarılacaq və ən böyük çətinlik cari hesablarda olan vəsaitlərlə yanaşı sığorta olunmayan əmanətlərin qaytarılmasında gözlənilir.

Hazırda koronavirus pandemiyası ilə əlaqədar, Əmanətlərin Sığortalanması Fondu və Fondun ləğvetməsində olan banklar üzrə vətəndaş qəbulu məhduddur, vətəndaş müraciətləri elektron formatda e-gov.az “Elektron Hökumət” portalı vasitəsilə adif.az saytı üzərindən və [email protected] e-mail ünvanı vasitəsilə (şəxsiyyəti təsdiq edən sənədin sürəti əlavə edilməklə) qəbul olunur”.

Həmçinin oxuyun

Gömrük xətti ilə büdcə daxilolmaları AZALDI 

Cari ilin yanvar-fevral aylarında gömrük orqanlarının xətti ilə dövlət büdcəssinə 485 milyon 613.7 min manat …