Gürcüstanda məcburi hərbi qulluq bərpa edildi

Gürcüstan Müdafiə Nazirliyi orduya məcburi hərbi çağırışı bərpa edəcək.

Virtualaz.org “Qruziya-Onlayn”a istinadən xəbər verir ki, bu barədə ölkənin müdafiə naziri Levan İzoriya bildirib.

Nazirin sözlərinə görə, çağırış yeni formada bərpa ediləcək.

“Çağırışçılar tam ibtidai hazırlıq keçəcək və hərbçi kimi tamamilə formalaşacaqlar. Onların əməkhaqqı 50 lariyə qədər yüksələcək, istirahət günlərindən faydalana biləcəklər”, – L.İzoriya deyib.

Xatırladaq ki, keçmiş müdafiə naziri Tinatin Xidaşelinin əmrinə müvafiq olaraq, Gürcüstanda məcburi hərbi qulluq ləğv edilmişdi.