Gülnarə Kərimovanın 1,5 milyardlıq sərvəti ələ keçirildi

Özbəkistan prokurorluğu məlumat yayıb ki, sabiq prezident İslam Kərimovun qızı Gülnarə Kərimovanın 1,5 milyard dollarlıq sərvəti müsadirə ediləcək.

“Qaynarinfo” xarici mediaya istinadən xəbər verir ki, siyahıya 1,5 milyard dollarlıq daşınmaz əmlak daxildir. Əmlakların 12 fərqli ölkədə yerləşdiyi bildirilir.

Əmlakların ələ keçirilməsi üçün rəsmi proseslərin start götürdüyü deyilir.

Qeyd edək ki, Gülnarə Kərimova bir müddət əvvəl korrupsiyada ittiham edilmiş və barəsində həbs qərarı verilmişdi.