Güclü külək Göyçayda fəsadlar törədib

Ötən gecə əsən külək səbəbindən Göyçay sakinlərinə verilən elektrik enerjisi və içməli su kəsilib.
Sakinlər Yeniavaz.com-a bildirib ki, Göyçay Elektrik Şəbəkəsi rayonda külək əsməyə başlayan kimi küçələrdəki elektrik naqillərinin ağaclara toxunacağından və qısa qapanma baş verərək transformatorların yanacağını nəzərə alaraq eletrik enerjisini kəsib. Küləyə görə Göyçay şəhərinə və kəndlərə, eləcə də Göyçay şəhərini içməli su ilə təmin edən artezianların və su anbarlarının olduğu əraziyə elektrik enerjisinin verilişi təxminən 15 saatdır ki, dayandırılıb.