Bazar ertəsi , Aprel 19 2021
Ana səhifə / İqtisadiyyat / Füzuli hava limanının iqtisadiyyata faydası nə olacaq?

Füzuli hava limanının iqtisadiyyata faydası nə olacaq?

Füzulidə yeni hava limanının tikintisi və açılışı Azərbaycan iqtisadiyyatının artım tempinin yüksəlməsinə təsir edəcək.

Bunu Qafqaz İqtisadi Analiz Mərkəzinin direktoru Əhməd Əlili deyib.

Onun sözlərinə görə, Azərbaycanın məhz Qarabağda turizm sektorunun inkişafı üzrə böyük planları var:

“Füzulidə yeni hava limanı ilk növbədə ölkənin turizm sektorunun inkişafına təsir edəcək. Azərbaycanın turizm potensialı kifayət qədər yüksəkdir və Qarabağda yeni turizm mərkəzlərinin açılması ölkə üçün faydalı olacaq”.

O əlavə edib ki, turizm potensialı ilə yanaşı, Qarabağ həm də zəngin təbii ehtiyatlara malikdir və metallurgiya sənayesinin mərkəzinə çevrilə bilər:

“İnkişafın indiki mərhələsində Avropa ölkələri, İran, Rusiya, Türkiyə tərəfindən investisiyaların cəlb edilməsi məqsədəuyğundur. Xarici investisiyalar bütün ölkələrin diqqətini regionun geoiqtisadiyyatına yönəldəcək. Hökumət regionun inkişafında beynəlxalq korporasiyaların da iştirak etməsində maraqlıdır”. (Trend)

Həmçinin oxuyun

Neftin qiyməti 74 dollara qədər arta bilər – “Bloomberg”

Koronavirus pandemiyası dövründə dünyakı anbarlarda saxlanılan neft ehtiyatları praktiki olaraq azalıb və bu da cari …