Ermənistanda 25 ali təhsil müəssisəsi bağlanıb

Bunu jurnalisltərə ölkənin tanınmış sosioloqu Aqaron Adibekyan deyib.

Onun sözlərinə görə, dövlət və özəl ali məktəblərə daxil olmaq istəyənlərin sayı 110 mindən 85 minədək azalıb: “Bu təkcə doğumun azalmasından asılı olmayan daha ciddi problemdir”.

A.Adibekyan qeyd edib ki, 2007-ci ildə ali məktəblərə 26 min nəfər qəbul olunurdu və onların yalnız 24 mini təhsilini başa vururdu: “2016-cı ildə isə 18 min nəfər ali məktəblərə qəbul olunub, yalnız 12 700 tələbə tədris ilini başa vurub”. (Report.az)