Dövlət Departamentində 2300 nəfər işdən çıxarılır

ABŞ dövlət katibi Reks Tillerson Dövlət Departamentinin 2300 əməkdaşının ixtisara salınması təklifi ilə çıxış edib.

AzVision.az “Associated Press” istinadən xəbər verir ki, 2300 əməkdaşın işdən çıxarılması ABŞ xarici siyasət idarəsinin büdcəsinə 26 faiz qənaət olunması deməkdir.

Tillersonun təklifində xidmətə yeni qəbul olunmuş diplomatların ixtisar olunması nəzərdə tutulur.

Xatırladaq ki, ABŞ prezidenti Donald Trampın 2018-ci il üçün təklif etdiyi büdcə layihəsində Dövlət Departamentinin xərclərinin 28 faiz azaldılması, Müdafiə Nazirliyinin xərclərinin isə 10 faiz artırılması nəzərdə tutulur.