“Donuz qripi” orduya da keçdi: bir hərbçi öldü

Qoridə hərbi hospitalda müalicə alan hərbçi H1N1 virusundan ölüb.

APA-nın məlumatına görə, Gürcüstan Müdafiə Nazirliyindən bildiriblər ki, ölən hərbçinin 38 yaşı olub.

Həmin şəxs bir neçə gün hərbi hospitalda qripdən müalicə olunub. Onun 4 yaşlı övladı qalıb.

Hazırda Qori hospitalında 12 əsgər müalicə olunur, onların vəziyyəti qənaətbəxşdir.

Qeyd edək ki, indiyədək Gürcüstanda H1N1 virusundan 9 nəfər dünyasını dəyişib.