Bazar , Yanvar 24 2021
Ana səhifə / İqtisadiyyat / Bu gün Dünya və Dolların gələcəyi üçün mühüm qərar veriləcək

Bu gün Dünya və Dolların gələcəyi üçün mühüm qərar veriləcək

Bu gün ABŞ Mərkəzi Bankının (Fed) iki gün davam edən iclası başa çatacaqdır.

Azinforum.az xəbər verir ki, Fed bu gün Bakı vaxtı ilə saat 23:00-da faiz qərarını açıqlayacaqdır.

Fed-in bu iclası beynəlxalq bazarlar tərəfindən daha böyük maraqla izlənir. Bir tərəfdən Fed-in pul siyasətinə bağlı qalaraq faizi artıracağı gözlənilir, digər tərəfdən ABŞ Prezidenti Fed-i tənqid etməkdə davam edir.

ABŞ Prezidenti Donald Tramp, Dolların güclü, demək olar ki, inflyasiyanın olmadığı və dünyanın çalxalandığı, Parisin yandığı, Çinin pis vəziyyətdə olduğu bir dövrdə Fed-in faiz artırmağı düşünməsinin belə “ağlasığmaz” olduğunu bildirib.

Bundan başqa Tramp, Fed rəsmiləri ilə əlaqədar olaraq, “Ümid edirəm ki başqa bir xəta etməzlər”,-deyib.

ABŞ Prezidenti Donald Trampın Ticarət müşaviri Peter Navarro, “İqtisadiyyatın böyüdüyü mühitdə Fed Çərşənbə günü faiz artırmamalıdır” deyib.

PULSUZ SEMİNARA QATIL, QAZANMAĞI ÖYRƏN!

“DoubleLine Capital”ın Baş İnformasiya inzibatçısı Jeffrey Gundlach, “Fed bu həftəki iclasında faiz artırmamalıdır, çünki istiqraz bazarına dair narahatlıqlar və yavaşlayan iqtisadiyyata dair gözləntilər 2020-ci ildə pul siyasəti dəyişikliyi tələb edə bilər”,- deyib.

Fed sədri bir müddət əvvəl verdiyi açıqlamada faizlərin neytral səviyyəyə yaxın olduğunu bildirmişdi. Analitiklər, bu açıqlamanı şərh edərək, Fed-in Dekabrda faiz artıracağını, gələn il isə faiz artırmağa fasilə verəcəyini qeyd edirlər.

Bəzi iqtisadçılar Fed-in bu iclasda faiz artırmayacağını və bunu gələn ilin Mart ayında edəcəyini bildirirlər.

Dekabr iclasında Fed-in faizi 2,25%-dən 2,50%-ə qaldıracağı gözlənilir. Fed Bakı vaxtı ilə saat 23:00-da mətbuat açıqlaması ilə bərabər iqtisadi planları da açıqlanacaqdır. Saat 23:30-da isə Fed sədri Cerom Pauelin mətbuat konfransı başlayacaqdır. Pauelin verəcəyi açıqlamalar bazarlarda qiymət dəyişikliklərinə səbəb ola bilrər.

“Fed-in faiz proqnozu 3-də qalarsa, dollar bahalaşa bilər”

Qlobal investisiya bankı “Goldman Sachs”a görə, Fed rəsmilərinin 2019-cu ildə faizin neçə dəfə artırılacağına dair proqnozu 2-yə düşmək əvəzinə 3-də qalarsa, Dollar, G – 10 valyutaları qarşısında ilin sonuna doğru yeni zirvələr (ən yüksək səviyyələr) görə bilər.

“Goldman Sachs”ın iqtisadçılarının gözləntisi sayın 2-yə endiriləcəyi istiqamətindədir.

“Goldman”a görə, Fed açıqlamasında ya da mətbuat konfransında ehtiyatlı bir dil istifadə etməməsi vəziyyətində də dollar bahalaşa bilər.

“Fed bazarları təəccübləndirməyəcək”

Amerikalı iqtisadçılar, ABŞ Mərkəzi Bankının (Fed) bu həftə, 2018-ci ildə sonuncu dəfə faiz artıracağını və gələn il faizin artırılacağı sayı ilə bağlı proqnozunu 3-dən 2-yə endirəcəyini gözləyirlər.

“Moody’s Analytics”in direktoru Ryan Sweet Fed-in faiz nisbətini 25 bənd artıraraq 2.25-2.50 faiz aralığına qaldırmasını gözlədiyini qeyd edərək, “Fed, bazarları təəccübləndirməyəcək və ilin son iclasında 4-cü dəfə faiz artıraraq 2018-i planlaşdırdığı kimi başa vuracaqdır”,- deyib.

Dekabr ayı Fed iclasından sonra çox mesaj veriləcəyini deyən Sweet, “İqtisadi artım və inflyasiya proqnozları aşağı salınacağına görə, Fed-in gələn il 3 əvəzinə 2 dəfə faiz artıracağı siqnalını verməsini gözləyirik”, – ifadəsini istifadə edib.

Sweet, açıqlama mətnində Fed-in, gələcəkdə məlumatlara daha həssas olacağını qeyd edərək, “faizin mərhələli artırılması uyğundur” cümləsinin yeni mətndə yer almayacağını ya da daha “göyərçin” bir ifadə ilə dəyişdiriləcəyi proqnozunu verib.

PULSUZ SEMİNARA QATIL, QAZANMAĞI ÖYRƏN!

“High Frequency Economics”in Baş iqtisadçısı Jim O’Sullivan da Fed-in dekabr iclasının ardından maraqlı bir mərhələyə qədəm qoyacağını qeyd edərək, “Fed-in bu həftə “göyərçin” bir faiz artımı etməsini gözləyirəm”,- deyib.

Fed-in pul siyasətini müəyyənləşdirən FOMC-ın “göyərçin” (yumuşaq pul siyasəti tərəfdarı) tonunun qərar mətninə də əks olunacağını qeyd edən O’Sullivan, “siyasət faizində mərhələli əlavə artımlar, iqtisadiyyatın davamlı böyümə, güclü məşğulluq bazarı və 2 faiz inflyasiya hədəfilə uyğun” cümləsinin mətndən çıxarılacağı proqnozunu da verib.

O’Sullivan, gələn il 3 dəfə faiz artırılacağına dair gözləntisini qoruduğunu, ancaq bu toplantının ardından gözləntilərini yeniləyə biləcəyini söyləyib.

YATIRIMDA QAZANMAĞI ÖYRƏNMƏK ÜÇÜN SEMİNARA QATIL​

Jim O’Sullivan Fed-in səbrli olacağını qeyd edərək, “Fed rəsmiləri, məşğulluq göstəriciləri nisbətən güclü qalmaqda davam etsə belə, yenə də faiz artırmadan əvvəl 3 aydan daha çox gözləmək istəyəcəklər. Faizlər xeyli yüksəlib,maliyyə şərtləri sərtləşib. Bu səbədən Fed faiz artırmağa fasilə verə bilər”,- deyib.

Həmçinin oxuyun

Ötən il azərbaycanlılar Türkiyədə 1279 ev alıb

2020-ci ildə Azərbaycan vətəndaşları Türkiyədə 1279 daşınmaz əmlak alıb. Türkiyə Statistika Komitəsi bildirir ki, ötən …