Azinforum.az İnformasiya Portalı Onlayn Xəbər Portalı
BMT Təhlükəsizlik Şurası ABŞ-ın Suriya rejiminə aid hərbi hava limanını vurması səbəbindən az əvvəl toplanıb.
Toplantıda ABŞ-ın BMT-dəki daimi nümayəndəsi Nikki Haley ölkəsinin Suriyaya endirdiyi raket əməliyyatına haqq qazandırıb.
O, “Dünən gecə çox ölçülü bir addım atdıq. Daha artığını da etməyə hazırıq, ancaq güman edirik, buna gərək qalmaz”, – deyə, bildirib.
Nümayəndə daha sonra deyib kİ, Amerika Birləşmiş Ştatları kimyəvi silahdan istifadə edilməsinə biganə qalmayacaq: “Kimyəvi silahların yayılmasının qarşısını almaq ölkənin milli maraqlarına cavab verir”.
Nikki Haley Əsəd rejiminin 6 il ərzində 100 minlərlə insanı öldürdüyünü, milyonlarla insanı yurd-yuvasından didərgin saldığını da sözlərinə əlavə edərək, bildirib ki, Əsəd hökuməti hazırda da beynəlxalq hüququ pozmaqda davam edir. (Strateq.az)
