Türkiyə baş naziri Binəli Yıldırım hakim partiya tərəfindən parlamentə təqdim edilən qanunda dəyişikliklərlə bağlı qalmaqallı təklifə münasibət bildirib.
“Qafqazinfo” Türkiyə KİV-nə istinadən xəbər verir ki, qanunda nəzərdə tutulan dəyişiklikdə cinayətkarın təcavüz etdiyi uşaqla evlənəcəyi halda cəzasının təxirə salınacağı bildirilirdi. Baş nazir isə bu dəyişikliyin təcavüzkara bəraət verilməsi anlamına gəlmədiyini vurğulayıb:
“Tamamilə həqiqətdən kənardır, iftiradır. Məsələ ondadır ki, yaşı çatmayan, erkən yaşda evlənənlər var. Qanunları bilmirlər. Uşaqları olur, lakin ataları həbsə düşür. Bu cür 3 min ailənin olduğu müəyyən edilib. Təəssüf ki, CHP bundan ucuz sui-istifadə aləti olaraq istifadə etdi”.