Berlində ölənlər arasında azərbaycanlıların olub-olmaması araşdırılır – XİN

Berlin şəhərində törədilən faciəvi hadisə ilə əlaqədar Xarici İşlər Nazirliyi açıqlama yayıb. 

“Qafqazinfo” xəbər verir ki, açıqlamada deyilir:

“Biz, Almaniyanın Berlin şəhərində törədilən, insanların ölümü və yaralanmasına səbəb olan faciəvi hadisədən dərindən kədərləndik. Bu hadisə nəticəsində həyatını itirmiş şəxslərin ailələrinə, Almaniya hökumətinə və xalqına dərin hüznlə başsağlığı verir, onların kədərini bölüşür və yaralananların tezliklə şəfa tapmasını diləyirik.

Azərbaycan Respublikasının Almaniyadakı səfirliyi hadisə nəticəsində ölən və yaralananlar arasında Azərbaycan vətəndaşının olub-olmamasını bu ölkənin müvafiq orqanları vasitəsilə araşdırır.