Bazar ertəsi , Sentyabr 23 2019
Ana səhifə / İqtisadiyyat / Baş nazir Şahmar Mövsümovun maaşının məbləğini müəyyən edəcək

Baş nazir Şahmar Mövsümovun maaşının məbləğini müəyyən edəcək

Prezident İlham Əliyev Azərbaycan Respublikası Prezidentinin 2000-ci il 29 dekabr tarixli 434 nömrəli fərmanı ilə təsdiq edilmiş “Azərbaycan Respublikasının Dövlət Neft Fondu haqqında Əsasnamə”də dəyişikliklər edilməsi barədə fərman imzalayıb.

“Report”un məlumatına görə, fərmana əsasən, “Azərbaycan Respublikasının Dövlət Neft Fondu haqqında Əsasnamə”nin 5.3-cü bəndinin on birinci abzasından və 5.6-cı bəndinin ikinci cümləsindən “(Fondun İcraçı direktoru istisna olmaqla)” sözləri çıxarılır.

Dəyişiklik nəticəsində bundan sonra Müşahidə Şurası (MŞ) Fondun icraçı direktorunun vəzifə təsnifatı və dərəcələri üzrə vəzifə maaşının məbləğlərini təsdiq edəcək.

Qeyd edək ki, bu vaxta qədər MŞ icraçı direktor istisna olmaqla yalnız Fondun idarə edilməsi ilə bağlı xərclər smetasında nəzərdə tutulmuş əməyin ödənişi fondu daxilində Fondun Aparatının işçilərinin vəzifələrin təsnifat və dərəcələri üzrə vəzifə maaşlarının məbləğlərini təsdiq edirdi.

Qeyd edək ki, Fondun Müşahidə Şurası 6 nəfərdən ibarətdir və ona Baş nazir rəhbərlik edir. ARDNF-nin icraçı direktoru isə Şahmar Mövsümovdur.

Həmçinin oxuyun

İlin sonuna qədər problemli kreditlərlə bağlı şad xəbər olacaq – ŞƏRH

Uzun illərdir Azərbaycanda mövcud olan problemli kreditlərlə bağlı ilk addım bu ilin fevralında Prezident İlham …