Azinforum.az İnformasiya Portalı Onlayn Xəbər Portalı
Maliyyə Bazarlarına Nəzarət Palatasının (MBNP) tövsiyəsi ilə 29 dekabr – 02 yanvar bayram günləri ərzində bankların filial və şöbələri gücləndirilmiş iş rejimində çalışacaq.
MBNP-dən virtualaz.org-a verilən məlumata görə, bayram günlərində ölkəmizdə səfərdə olan turistlərin və ölkə vətəndaşlarının valyuta mübadiləsi xidmətlərinə rahat çıxış imkanlarının təmin edilməsi məqsədilə ümumilikdə 23 bankın 118 filial və şöbəsi (9 bank üzrə 12 satış nöqtəsi 24 saat rejimində olmaqla) 29 dekabr – 02 yanvar tarixlərində müştərilərə xidmət göstərəcək.
“Bayram günlərində Palata tərəfindən yaradılmış bankların fəaliyyətinə nəzarət üzrə xüsusi monitorinq qrupu fəaliyyət göstərəcək. İstehlakçılara fasiləsiz xidmət göstərən qaynar xətt vasitəsilə hər hansı sual və şikayətlə Palataya müraciət etmək mümkün olacaq”, – deyə məlumatda qeyd olunub.
Gücləndirilmiş iş rejimində çalışacaq bankların iş qrafiki cədvəldə təqdim edilir.
