2019-cu ilin may-avqust aylarında Bakıda kommersiya obyektlərinin qiyməti artacaq.
Bunu Trend-ə daşınmaz əmlak sahəsində ekspert Nüsrət İbrahimov deyib.
Onun sözlərinə görə, artım təxminən 2-3 faiz təşkil edəcək:
“Gələn ay Bakıda kommersiya obyektləri 1,5 faiz bahalaşacaq, növbəti aylarda artım dinamikası qorunacaq. Bu ilin may-avqust aylarında kommersiya obyektlərinin icarəsi də 1,5 faiz bahalaşacaq”.
N.İbrahimov əlavə edib ki, kommersiya obyektlərinin ucuzlaşması payız aylarında gözlənilir, ilin sonuna yaxın isə yenidən artım müşahidə olunacaq.