AZZA-nı məhkəməyə verdilər

Azərbaycanda ən böyük şirniyyat mağazaları şəbəkəsinin sahibi olan “AZZA” QSC (VÖEN – 1700348101) barəsində məhkəmə iddiası qaldırılıb.
Məhkəmə iddiası Bakı Kommersiya Məhkəməsinin hakimi Günay Namazovanın icraatına verilib.  
“AZZA” QSC barəsidə iddia qaldıran şəxs Səfərov Elmar Elman oğludur.  
Qeyd edilir ki, məhkəmə iddiasının icarə müqaviləsi üzrə mübahisələrlə bağlı qaldırıldığı bildirilir.
Məlumat üçün bildirək ki, “AZZA” QSC 27.12.2004-cü ildə dövlət qeydiyyatına alınıb. Nizamnamə kapitalı 7 milyon 566 min 98 manat olan QSC-nin hüquqi ünvanı Nəsimi rayonu, Cəlil Məmmədquluzadə, ev 102A-da (“City Point Baku”) yerləşir. Şirkətin qanuni təmsilçisi Gərəkməzli Rüstəm İsa oğludur.