Ana səhifə / İqtisadiyyat / Azərbaycanın 14 bankı zərər içindədir

Azərbaycanın 14 bankı zərər içindədir

Bank sektorunun cəmi mənfəəti 17 bankın cəmi mənfəətindən azdır

2017-ci ilin yanvar –sentyabr dövründə bank sektorunun (31 bankın) xalis mənfəəti 479,7 milyon manat təşkil edib. Bu barədə “Marja”ya Maliyyə Bazarlarına Nəzarət Palatasından bildirilib.

“Marja”nın məlumatına görə, diqqəti çəkən Bank sektorunun cəmi mənfəətinin 17 bankın, o cümlədən Beynəlxalq Bankın, Kapital Bankın və PAŞA Bankın cəmi mənfəətlərindən az olmasıdır.

“Azərbaycan Beynəlxalq Bankı”, “Kapital Bank”, “PAŞA Bank”, “Bank Silk Way”,”Yapı Kredi Bank Azərbaycan”,“AtaBank”, “NBC Bank”, “Ziraat Bank Azərbaycan” ASC, “Bank Avrasiya”, “Azərbaycan Sənaye Bankı”, “ExpressBank, “Bank Melli İran” Bakı filialı, “Bank VTB Azərbaycan”, “Rabitəbank”, “GünayBank”, “Naxçıvanbank”, “AzərTürkBank” 2017-ci ilin 9 ayını xalis mənfəətlə başa vurmuşlar. 17 Bankın cəmi mənfəəti 616,5 milyon manata bərabər olub.

Bank sektorunun cəmi xalis mənfəətinin 17 bankın xalis mənfəətindən az olması, digər 14 bankda zərərlərin olduğuna işarə edir. Həmin bankların cəmi zərərləri 140 milyon manata yaxındır.

Qeyd edək ki, 2017-ci ilin 9 ayını Azərbaycan Beynəlxalq Bankı 469 milyon 893 milyon manat, “Kapital Bank” ASC 57 milyon 636.13 min manat , “PAŞA Bank” isə 29 milyon 70 min manat xalis mənfəətlə başa vurmuşdu.

Həmçinin oxuyun

Gömrük xətti ilə büdcə daxilolmaları AZALDI 

Cari ilin yanvar-fevral aylarında gömrük orqanlarının xətti ilə dövlət büdcəssinə 485 milyon 613.7 min manat …