“Azərbaycan Məişət Malları” ASC-nin dövlətə külli miqdarda borcu var Sumqayıt şəhərində yerləşən “Azərbaycan Məişət Malları” Açıq Səhmdar Cəmiyyətinin dövlətə 200 min manatdan artıq vergi borcu yaranıb.
Demokrat.az-ın məlumatına görə, nizamnamə kapitalı 1 milyon 764 min 902 manat, qanuni təmsilçi Vüsal Şərifov Şərif oğlu olan ASC-nin dövlətə külli miqdarda borcu yaranıb.
ASC-nin hazırda İqtisadiyyat Nazirliyi yanında Dövlət Vergi Xidməti 259 min 096 amanat 64 qəpik borcu var. Qeyd edək ki, “Azərbaycan Məişət Malları” Açıq Səhmdar Cəmiyyəti 2012-ci ildə insan ölümü ilə nəticələnən güclü yanğınla gündəmə gəlmişdi. ASC-nin ərazisində qaynaq işləri aparan Sumqayıt şəhər sakinləri Babayev Sabir Kərim oğlu, Səfərəliyev Əbülfət Əziz oğlu və Piriyev Piri Xuduş oğlu partlayış nəticəsində dünyalarını dəyişmişdilər.