Cümə axşamı , Avqust 5 2021
Ana səhifə / İqtisadiyyat / “Azərsu”-da 7.3 milyard manat (!) zərər yığılıb

“Azərsu”-da 7.3 milyard manat (!) zərər yığılıb

Azərsu” ASC 2020-ci ili 323,222 milyon manat xalis zərərlə başa vurub. Bu, 2018-ci illə müqayisədə 45,45% azdır. Amma son nəticədə səhmdar cəmiyyətinin yığılmış zərəri 4,6% artaraq 7 milyard 303 milyon manatı keçib. Bu haqda Səhmdar Cəmiyyətin maliyyə hesabatında deyilir.

Hesabata əsasən ötən il “Azərsu”yun içməli su və kanalizasiya xidmətinin satışından gəlirləri 184,246 milyon manat (əvvəlki ilə nisbətən 4,55% az), satışlarının maya dəyəri 131,524 milyon manat (21,4% çox), inzibati xərcləri 40,432 milyon manat (29% çox), satış və paylanma xərcləri 117,024 milyon manat (13,5% çox), digər əməliyyat xərcləri 207,855 milyon manat (61,4% az), məzənnə fərqindən zərəri 15,508 milyon manat (16,4% çox), digər gəlirləri 7,846 milyon manat (35% az), maliyyə xərcləri 2,823 milyon manat (4,05% çox), icarə öhdəlikləri üzrə faiz xərcləri 63 min manat (16,7% çox), mənfəət vergisi ödəmələri isə 85 min manat (əvvəlki il qənaət edib) təşkil edib.

Bu il yanvarın 1-nə “Azərsu”yun aktivləri 1 000,837 milyon manat olub ki, bu da illik müqayisədə 9,75% çoxdur. 2020-ci ildə səhmdar cəmiyyətinin öhdəlikləri 0,6% azalaraq 582,814 milyon manata düşüb, balans kapitalı isə 28,4% artaraq 418,023 milyon manata çatıb.

Həmçinin oxuyun

Bank sektorumuz beynəlxalq reytinqdə axırdan ikincidir

“S&P Global Ratings” (“S&P”) reytinq agentliyi Azərbaycanın bank sektorunun yeni qiymətləndirməsini həyata keçirib. Agentliyin məlumatına …