Azərbaycan və İsrailli ekspertlər BMM-də bir araya gəldi – FOTO

30 Oktyabr 2015

Bu gün BMM-də “Safadi” adına Beynəlxalq Diplomatiya Akademiyasının Bakı şəhərində Qafqaz üzrə nümayəndəliyinin açılışı münasibəti ilə təşkil olunan “Avropanın Azərbaycana ikili standart siyasəti İsrailli ekspertlərin gözü ilə” mövzusuna həsr edilmiş konfrans baş tutub.
Konfransda Milli Məclis Aparatının Analitik İnformasiya Şöbəsinin müdiri, politoloq Aydın Ağayev, İsrail Beynəlxalq Təhlükəsizlik Cəmiyyətinin və İsrail “Safadi” adına Beynəlxalq Diplomatiya Akademiyasının sədri cənab Safadi Mendi (İsrail), Beynəlxalq Diplomatiya Akademiyasının MDB ölkəri urzə diplomatı, sülhməramlı səfir Aleksander Şapiro Suliman (İsrail),”Hərbi Əlillərin Qeyri-Yəhudi Sektoru”nun sədri cənab Masalha Samir (İsrail), Beynəlxalq Diaspora Mərkəzinin (BDM) rəhbəri, 60 saylı Neftçala-Salyan dairəsindən millət vəkilliyinə namizəd İsmayıl Ağayev(Azərbaycan), Beynəlxalq İnsan Hüquqları Komitəsinin (CIPDH) inspektoru, ekspert Firdovsi Ələkbərov (Fransa), “Əlil Sahibkarlar Təşkilatı” İctimai Birliyinin sədri Mirzə Məmməd-Vəliyev(Azərbaycan), “Qafqaz Tarixi Mərkəzi” İctimai Birliyinin sədri Rizvan Hüseynov(Azərbaycan), Əsassız Erməni İddiaları ilə Mübarizə Dərnəyinin sədri Göksel Gülbey(Türkiyə), “Gürcüstan-Azərbaycan Dostluq Evi” İctimai İttifaqının vitse-prezidenti Griqori İvanelaşvili (Gürcüstan), BDM-nin Rusiya üzrə nümayəndəsi Natiq Bədəlov (Rusiya-Tatarıstan) və digər rəsmi, eyni zamanda qeyri-rəsmi qurumların nümayəndələri iştirak etmişlər.

Konfransın açılışını elan edən BDM rəhbəri İsmayıl Ağayev, Azərbaycanın suverenliyi uğrunda canından keçmiş şəhdlərimizin ruhuna ehtiram əlaməti olaraq bir dəqiqəlik sükut elan etmişdir.
Daha sonra tədbirin proqramına uyğun olaraq natiqlər çıxış etmişlər.
Söz alan natiqlər Avropanın bəzi qurumları tərəfindən, müstəqil Azərbaycan dövlətini daxili və xarici siyasətinə qərəzli yanaşma tərzini kəskin pisləmiş və bu yanaşmanın yolverilməz hal kimi qiymətləndirmişlər.
Konfrasda “Safadi” adına Beynəlxalq Diplomatiya Akademiyasının Bakı şəhərində Qafqaz üzrə nümayəndəliyinin açılışı elan edilmiş, nümayəndiyilin gənclər haqqında xüsusi proqrama malik olması haqda məlumat verilmişdir.
Konfransın proqramına uyğun olaraq, “Hərbi Əlillərin Qeyri-Yəhudi Sektoru” və “Əlil Sahibkarlar Təşkilatı” İctimai Birliyi arasında memarandum imzalanmışdır ki, bu isə öz növbəsində Azərbaycanlı əlil insanların İsraildə reabilitasiyasına və gələcəkdə Bakıda nəzərdə tutulmuş müştərək özəl reabilitasiya mərkəzinin açılışına hesablanmışdır.
İki ölkənin eksretləri arasında dostlu və həmrəylik şəraitində baş tutan konfransda diplomlar təqdim olunmuş və sonda xatirə şəkili çəkilmişdir.