Bazar ertəsi , Noyabr 30 2020
Ana səhifə / İqtisadiyyat / Azərbaycan Rusiyanın iş adamlarını əməkdaşlıq əlaqələrini genişləndirməyə çağırıb

Azərbaycan Rusiyanın iş adamlarını əməkdaşlıq əlaqələrini genişləndirməyə çağırıb

Azərbaycanda İxracın və İnvestisiyaların Təşviqi Fondu (“Azpromo”), Rusiya Federasiyasının Sənaye və Ticarət Nazirliyi və Rusiyanın Azərbaycandakı Ticarət Nümayəndəliyinin birgə təşkilatçılığı ilə neft-qaz maşınqayırması sahəsində əməkdaşlığın inkişafı mövzusunda videokonfrans formatında görüş keçirilib.

“Azpromo”dan “APA-Economics”ə verilən məlumata görə, görüşdə “Azpromo”nun departament rəhbəri Zöhrab Qədirov ölkədə yaradılan əlverişli biznes və investisiya mühiti, ixrac imkanları, ixracın genişləndirilməsi istiqamətində Fondun həyata keçirdiyi tədbirlər barədə məlumat verib.

Videokonfransda Azərbaycanda iqtisadiyyatın müxtəlif sektorları, o cümlədən neft-qaz, maşınqayırma sahələrinin inkişafı istiqamətində mühüm işlər görüldüyü diqqətə çatdırılıb, Rusiyanın iş adamları azərbaycanlı həmkarları ilə əməkdaşlıq əlaqələrini genişləndirməyə dəvət edilib.

Videokonfrans çərçivəsində Rusiyanın Texnoloji Təşəbbüslər İnstitutunun standartlaşdırma və sertifikatlaşdırma üzrə sənaye təşkilatının təqdimatı dinlənib.

Həmçinin oxuyun

Dekabrın 4-də vaxt başa çatır: Nə olacaq? – ŞƏRH

2020-ci ilin sentyabr ayının sonu ilə müqayisədə oktyabr ayında fiziki şəxslərin (əhalinin) banklardakı müddətli əmanətləri …