Bazar ertəsi , İyun 14 2021
Ana səhifə / İqtisadiyyat / Azərbaycan apreldə “OPEC plus” üzrə öhdəliyini yerinə yetirib

Azərbaycan apreldə “OPEC plus” üzrə öhdəliyini yerinə yetirib

Bu ilin aprel ayında ölkə üzrə gündəlik neft (kondensatla birlikdə) hasilatı 698 min barel olub.

Energetika Nazirliyi xəbər verir ki, bunun 594 min barelini xam neft, 104 min barelini isə kondensat təşkil edib.

Xatırladaq ki, “OPEC plus” ölkələri nazirlərinin 13-cü və 14-cü iclaslarında gündəlik xam neft hasilatı üzrə mövcud kvotaların fevral, mart və aprel aylarında davam etdirilməsi ilə bağlı qəbul edilmiş qərarlara əsasən, Azərbaycanın qeyd edilmiş dövr üzrə öhdəliyinin yanvar ayında olduğu kimi 123 min barel həcmində qalacağı, gündəlik xam neft hasilatının isə 595 min barel səviyyəsində saxlanılacağı nəzərdə tutulub.

“OPEC plus” ölkələri nazirlərinin 15-ci və 16-cı iclaslarında qəbul edilmiş razılaşmalar çərçivəsində Azərbaycanın növbəti üç ay üzrə hasilat kvotaları müəyyənləşib. Azərbaycanın yeni hasilat öhdəlikləri mayda 115 min barel, iyunda 108 min barel, iyulda isə 98 min barel təşkil edəcək.

Ölkədə gündəlik xam neft istehsalı müvafiq olaraq mayda 603 min barel, iyunda 610 min barel və iyulda 620 min barel həcmində saxlanılacaq. Gündəlik xam neft istehsalı mayda 8 min barel, iyunda 7 min barel, iyulda isə 10 min barel artırılacaq.

Həmçinin oxuyun

Azərbaycanda ilk dəfə əkin sahələri üçün aqrodron istehsal edildi

Azərbaycanda ilk dəfə olaraq Aqrodron istehsal edilib. Bunu Trend-ə açıqlamasında Kənd Təsərrüfatı Nazirliyi yanında “Aqroservis” …