Azərbaycan Hesablama Palatası xammal ixracı əməliyyatlarının ƏDV-dən azad olunan əməliyyatlara aid edilməsini tövsiyyə edir.
Bu barədə Hesablama Palatasının aparılmış təhlillər əsasında hazırlanmış tövsiyyələrdə bildirilir.
Digər tövsiyyə isə fiziki şəxslərin kommersiya təyinatlı obyektləri üzrə əmlak vergisinin dövlət vergilərinə aid edilməklə dövlət büdcəsinə ödənilməsi ilə bağlıdır.
Bundan başqa, Palata bazar iqtisadiyyatı prinsiplərinə uyğun inkişaf edən ölkələrin təkmil təcrübələrinə əsaslanmaqla avtomobil nəqliyyatı vasitələrinin sahiblərindən nəqliyyat vergisi və ya ekoloji vergi adı ilə tutulan verginin dərəcələrinin əsasən ətraf mühitin çirkləndirilməsi səviyyəsindən, mühərriklərin həcmindən və lüks kateqoriyasına aid edilməsindən asılı olaraq müəyyənləşdirilməsini tövsiyyə edir.