Bazar , Yanvar 23 2022
Ana səhifə / İqtisadiyyat / Avtomobillərin gömrük rüsumu artırılacaq? – VİDEO

Avtomobillərin gömrük rüsumu artırılacaq? – VİDEO

“Bu gün gömrük rüsumunun artırılması gündəmdə deyil”.
Bunu Baku TV-yə müsahibəsində Dövlət Gömrük Komitəsi sədrinin birinci müavini, gömrük xidməti general-leytenantı İsmayıl Hüseynov deyib.
O bildirib ki, istər Dövlət Gömrük Komitəsi, istərsə də digər dövlət qurumları tərəfindən bu məsələ hazırda gündəmdə deyil.
İsmayıl Hüseynov ölkəyə gətirilən müəyyən kateqoriya üzrə yüngül nəqliyyat vasitələrinin aksiz vergisi dərəcələrindən də danışıb. Onun sözlərinə görə, növbəti il yanvarın 1-dən etibarən Vergi Məcəlləsinə edilən qanuna dəyişikliyin qüvvəyə minməsi gözlənilir və aksiz vergi dərəcələri yeni qaydalarla hesablanacaq:“Bu təqdirdə mühərrikinin həcmi 3000 kubsantimetrdən yuxarı olan və zavod buraxılış tarixi 3 ildən çox olan minik nəqliyyat vasitələrinin aksiz vergisinin dərəcələri müvafiq olaraq dəyişdiriləcək. Mövcud qanuncvericiliyə əsasən mühərrikinin həcmi 3001-dən 4000 kubsantimetrə qədər olan nəqliyyat vasitələrinin aksiz vergisinin dərəcəsi 13-dən 15 manata qaldırılır, mühərrikinin həcmi 4001-dən 5000 kubsantimetrə qədər olanlarda 45-dən 40 manata, mühərrikinin həcmi 5000 və daha yuxarı olan nəqliyyat vasitələrində isə 70 manatdan 80 manata qədər artırılır”.

Həmçinin oxuyun

Sahibkarların hansı fəaliyyətləri yoxlanıla bilər, istisnalar hansılardır?

“Bütövlükdə, qanunvericilikdə mühim məqamlardan biri də yoxlamaların dayandırıldığı müddət başa çatdıqdan sonra da həmin dövrdəki …