2017-ci ilin Yanvar-Sentyabr ayları ərzində Azərbaycana 6 643 ədəd avtomobil (nəqliyyat vasitəsi) gətirilib. Bu, 2016-cı ilin eyni dövrü ilə müqayisədə 70% çoxdur.
2016-cı ilin 9 ayında Azərbaycana 3 906 ədəd nəqiliyyat vasitəsi idxal olunmuşdu.
Fins.az Dövlət Gömrük Komitəsinə istinadən xəbər verir ki, cari ilin Yanvar-Sentyabr aylarında 138 ədəd avtobus, 5 783 ədəd minik avtomobili, 670 ədəd yük avtomobili, 52 ədəd xüsusi təyinatlı avtomobil idxal olunub.
Müqayisə üçün qeyd edək ki, 2016-cı ilin Yanvar-Sentyabr aylarında 61 avtobus, 3389 ədəd minik avtomobili, 379 ədəd yük avtomobili, 77 ədəd xüsusi texnika idxal olunmuşdu.
İllik müqayisədə minik avtomobilərinin idxalı 70,6% artıb.
Təkcə Sentyabrda Azərbaycana 981 ədəd nəqliyyat vasitəsi, o cümlədən 909 ədəd minik avtomobili gətirilib. (Marja)