Qırğızıstan prezidenti Almazbek Atambayev müalicəsini davam etdirmək üçün Moskvanın Mərkəzi Klinik Xəstəxanasına aparılıb.
Moderator.az xəbər verir ki, bu barədə prezidentin mətbuat xidməti məlumat yayıb.
Məlumatda qeyd edilir ki, Atambayev mütəxəssislərin məsləhəti və Rusiya tərəfinin dəvəti ilə bu gün sentyabrın 23-ü Moskvaya gətirilib.
Xatırladaq ki, Nyu-Yorka işgüzar səfəri zamanı Atambayevin səhhəti pisləşmiş və ürəyində yaranan problemlərə görə təcili xəstəxanaya yerləşdirilmişdi. Dövlət başçısı müalicəsini davam etdirmək üçün qısamüddətli məzuniyyət götürüb.