Azinforum.az İnformasiya Portalı Onlayn Xəbər Portalı
Türkiyə prezidenti Rəcəb Tayyib Ərdoğan dünya mediasına səslənib. Ölkə başçısı ötən gün keçirdiyi mitinqdə bunları deyib:
“Ey dünya mediası, sizə səslənirəm, bizə yaxın və uzaq olan ölkələrin media qurumlarının məsul şəxslərinə səslənirəm. ABŞ-da qoşa qüllələrə terror hücumu zamanı, bir dövlətin media qurumunun nümayəndəsi Ben Ladendən müsahibə alsaydı buna necə baxardınız? İndi ABŞ-da 400 kv.m ərazidə məskunlaşan terroçu ilə, Türkiyədə qiyama cəhd edən biri ilə gedib reportaj hazırlayanlara qarşı bizim münasibətimiz necə isti ola bilər?”.
Xatırladaq ki, Milli Televiziya və Radio Şurasının yaydığı məlumata əsasən ANS terrorizmin təbliği istiqamətində fəaliyyətini davam etdirməsi, Türkiyə hakimiyyətinin vəziyyətin sabitləşdirilməsi istiqamətində atdığı addımları hədəfə götürməsi, yüzlərlə insanın qətlə yetirilməsinə səbəb olan qəddar cinayətə bəraət qazandırmağa çalışması və nəticə etibarilə qardaş ölkədə vətəndaş qarşıdurmasının dərinləşməsinə yönələn addımlar atdığı üçün müvəqqəti olaraq bağlanıb. (baku.ws)
