Almaniyada Düsseldorf hava limanı yaxınlığında İkinci Dünya Müharibəsinə aid bomba tapılıb.
AzNews.az “Rheinische Post” qəzetinə istinadən xəbər verir ki, bomba tikinti işçiləri tərəfindən aşkarlanıb. 500 kiloqramlıq ABŞ bombasını zərərsizləşdirmək üçün 1 km məsafədə evakuasiya zonası elan olunub. Beləliklə də, hava limanı yaxınlığındakı rayonun 8 min əhalisi evakuasiya olunacaq.
Zərərsizləşdirmə işləri davam edərkən rayonda hərəkət dayandırılacaq. Hava limanı fəaliyyətini davam etdirsə də, bəzi gecikmələr ola biləcək.