Bazar ertəsi , İyul 13 2020
Ana səhifə / İqtisadiyyat / Alman sağçı siyasətçisi miqrantları atəşə tutmağa çağırıb – ŞOK

Alman sağçı siyasətçisi miqrantları atəşə tutmağa çağırıb – ŞOK

Sağçı “Almaniya üçün alternativ” (AfD) avroskeptiklər partiyasının sədri Frauke Petry bəyan edib ki, lazım gələrsə Alman polisi ölkəyə qeyri-qanuni daxil olmağa cəhd edən miqrantlara atəş açmalıdır.

Mannheimer Morgen qəzetinə müsahibədə xanım Petry qeyd edib ki, polis Avstriyadan Almaniyaya daxil olmağa çalışan miqrant axınını dayandırmalıdır, və ekstremal halda silahdan istifadə etmək qanunun tələbidir. “Mən istəmirəm ki, belə olsun, lakin silah işlətmək son çarədir”, – o deyib.

Frauke Petry-nin sözləri solçu alman siyasətçiləri və polis nümayəndələri tərəfindən pislənib.

Rəsmi məlumatlara görə, ötən il ərzində Almaniyaya – əsasən Yaxın Şərq və şimali Afrika ölkələrindən – 1,1 milyondan çox miqrant gəlib.

Almaniya kansleri Angela Merkel şənbə günü bəyan edib ki, suriyalı və iraqlı qaçqınların əksəriyyəti, onların ölkələrində silahlı münaqişələr bitdikdən sonra, evlərinə göndəriləcək.

“Radikal ideyalar”

Tanınmış alman sol mərkəzçi siyasətçisi, Sosial Demokrat Partiyasının üzvü Thomas Oppermann Frauke Petry-nin mülahizələri ilə bağlı bəyan edib ki, “hakimiyyəti dövründə miqrantların atəşə tutulduğu son Almaniya lideri Erich Honecker olub”.

Çoxları Berlin divarını aşmaq istəyən insanların ölümündə görə məsuliyyətin Almaniya Demokratik Respublikasının lideri Erich Honecker-in üzərinə düşdüyünü düşünür.

Almaniya Polis Həmkarlar İttifaqının bəyanatda deyilir ki, polislər insanlara atəş açmayacaqlar.

Bəyanat müəllifləri xanım Petry-nin mülahizələrini “radikal və qeyri-insani ideyaların” izharı adlandırıblar. BBC

Həmçinin oxuyun

Məmurlara məxsus olan “karxana”lar niyə mədən vergisi vermirlər?

Ölkə bələdiyyələri ötən il yerli əhəmiyyətli tikinti materiallari üzrə mədən verigisindən 1.198.000 manat maliyyə vəsaiti …

Bir cavab yazın