“Accessbank” yığılmış zərərindən qurtula bilməyib

“Accessbank” yığılmış zərərindən qurtula bilməyib. İllərdir yığılan zərər bankın kapital cəminə mənfi təsir göstərir. Kapitalın inkişafdan qalması isə bankın kapitalının gəlirliyini azaldır.

Pravda.az xəbər verir ki, “Accessbank” 2023-cü ilin ilk rübünə 159 milyon 763 min manatlıq yığılmış zərərlə başlayıb. Bankın əldə etdiyi 4 milyon 657 min manatlıq xalis mənfəət isə birbaşa yığılmış zərərdən silinsə də bu da bankın dərdinə dərman ola bilməyib.

Əldə etdiyi xalis mənfəətdən vergi ödəmədən birbaşa yığılmış zərərin azalmasına yönəldən “Acccessbank” cəmi kapitalını 6 milyon 52 min manat artıra bilib.

Qeyd edək ki, bankın yığılmış zərəri cəmi kapitaldan 1.3 dəfə böyükdür.