“Azərsu” Holdinqin Müşahidə Şurasının sədri Abdulbari Gözəl “Qarabağ” futbol klubuna ayrılan maliyyə vəsaitinin azaldılacağı barədə iddialara münasibət bildirib.
A.Gözəl holdinqin gəlirlərinin azalmasına baxmayaraq, kluba dəstək göstərəcəklərini vurğulayıb.
O, bildirib ki, “Qarabağ”a hər zaman dəstək olacaqlar: “”Qarabağ” milli məsələdir. Hazırda gəlirlərimiz azalıb. Amma əlimizdən gələn qədər kluba dəstək olacağıq. Biz Qurban Qurbanovdan vaz keçmədik. Sağlam, dürüst adamdır. Səlahiyyəti davam edəcək. 5 ildir çempionuq. Qismət olarsa, bu il də çempion olarıq”. (Azvision.az)