“25 milyard xərcləyib, başımızı bəlalara soxduq”

Türkiyənin Suriya siyasəti yanlışdır.

Axar.az xəbər verir ki, bunu CNN Türk televiziyasına müsahibəsində Türkiyənin Cümhuriyyət Xalq Partiyasının sədri Kamal Kılıçdaroğlu söyləyib. O, Türkiyənin bununla özü üçün bəla hazırladığını bildirib:

“Suriyada sülhün olmasını istəyirik. Türkiyənin Suriya, Yaxın Şərq siyasətinin yanlış olduğunu və bu yanlışlığın qarşılığını Suriya türkmanları, eləcə də Türkiyə vətəndaşlarının ödədiyini bilirik. Üzərimizə 4 milyon nəfərlik (suriyalı qaçqınlar nəzərdə tutulur – red.) yük aldıq. Bunun üçün 25 milyard dollar pul xərclədik. Başımıza bəlalar açdıq. Baxarsınız, sabah Türkiyədə Suriya mafiyası ortaya çıxacaq. Bizim uşaqlar Əl Babda savaşacaq, suriyalı gənclər isə burada gəzişəcəklər. Budurmu xarici siyasətimiz?”