Türkiyədə AKP-nin təkbaşına hökuməti təşkil edə bilməməsi İsrail mediasında böyük sevincə səbəb oldu.
Avropa.info xəbər verir ki, Türkiyəni İsrailə qarşı düşmən ölkə kimi qiymətləndirən Tel-Əviv mediası, seçki günü Ankaradan gələb xəbərləri anbaan izləyib.
İsrail mediası seçkinin nəticələri haqqında dərc etdiyi yazılar “Ərdoğan getdi, artıq daha güclüyük” başlıqları ilə dərc edilib.
AKP İzrailə qarşı idi
İsrailin baş naziri Netanyahuya yaxınlığı ilə tanınan “İsrael Today” qəzeti seçkilər nəticəsində xalqın Ərdoğana yox dediyini yazıb. Adı çəkilən qəzet Türkiyədəki seçkilərə qəzetin ilk üç səhifəsində geniş yer verib . Aparılan təhlillərdə AKP-nin 12 illik hakimiyyəti dönəmində İsrailə qarşı zidd siyasət apardığı bildirilir. Qəzet Türkiyənin Qəzza məsələsində İsrailə qarşı çıxdığını yazıb.
Yeni dönəmdə rahatıq
“İsrael Today” qəzeti AKP-nin Misirdəki Müsəlman Qardaşları Təşkilatı ilə yaxın olduğunu və AKP-nin hakimiyyəti dövründə yəhudilərin Türkiyədə xof içində yaşadıqlarını bildirir. Qəzet yazır ki, HDP-nin parlamentə daxil olması ilə Türkiyədə yeni bir dönəm yaşanacaq.
İstanbula qayıdırıq
AKP-nin Həmasın ən böyük dəstəkçisi olduğunu yazan qəzet, son illərdəki gərgin münasibətlərə görə, israilli turistlərin Türkiyəyə gedə bilmədiklərini qeyd edir. “İsrael Today” qəzeti hakimiyyətdəki qeyri-müəyyənliklə birlikdə özlərinə fürsət açıldığını bildirərək, məqalələrinin birini “İstanbula qayıdırıq” başlığı ilə dərc edib.