Ana səhifə / İqtisadiyyat / Əmanətlərin sığortalanması ilə bağlı yeni mexanizm qüvvəyə mindi

Əmanətlərin sığortalanması ilə bağlı yeni mexanizm qüvvəyə mindi

Prezident İlham Əliyev “Əmanətlərin sığortalanması haqqında” Azərbaycan Respublikasının Qanununda dəyişiklik edilməsi barədə” Azərbaycan Respublikasının Qanununu imzalayıb.

Belə ki, qüvvəyə minən yeni qanun layihəsində “Əmanətlərin sığortalanması haqqında” Azərbaycan Respublikasının Qanununda əmanətlərin siyahısına o cümlədən, notariusun depozit hesabına mədaxil edilmiş fiziki şəxslərə məxsus vəsaitlər də daxil edilib.

Eləcə də, fiziki şəxslərin sahibkarlıq fəaliyyəti ilə əlaqədar açdığı bank hesablarındakı 20 (iyirmi) min manatdan yuxarı pul vəsaitləri qorunan əmanətlərə aid edilmir.

Həmçinin, hər bir iştirakçı bankda sığortalanmış əmanət üzrə əmanətin 100 faizi həcmində, lakin 100 (bir yüz) min manatdan çox olmamaq şərtilə kompensasiya ödənilir və aşağıdakı məzmunda ikinci cümlə əlavə edilir:

“Fiziki şəxslərin sahibkarlıq fəaliyyəti ilə əlaqədar açdığı bank hesablarındakı pul vəsaitləri üzrə kompensasiya 20 (iyirmi) min manatdan çox olmamaqla, notariusların depozit hesablarında olan fiziki şəxslərə məxsus pul vəsaitləri üzrə kompensasiya isə həmin pul vəsaitlərinin 100 faizi həcmində ödənilir”.

Tam qorunan əmanətlərin 100 min manata qədər artırılması ilə bağlı maddə 2021-ci il 5 aprel tarixindən qüvvəyə minir.  

Həmçinin oxuyun

Gömrük xətti ilə büdcə daxilolmaları AZALDI 

Cari ilin yanvar-fevral aylarında gömrük orqanlarının xətti ilə dövlət büdcəssinə 485 milyon 613.7 min manat …