Ərdoğana evinin çıxışında “izdihamlı sürpriz”

Türkiyə prezidenti Rəcəb Tayyib Ərdoğan cümə namazı üçün İstanbuldakı evindən çıxarkən sürprizlə qarşılaşıb.

“Qafqazinfo” Türkiyə KİV-ə istinadən xəbər verir ki, prezidentin evinin qarşısına toplaşan insanlar “Yaxşı ki, doğuldun Rəis” qışqıraraq Ərdoğanı doğum günü münasibəti ilə təbrik ediblər. Dövlət başçısı isə vətəndaşlara səslənərək “hamımız bir yerdə bu yola davam edəcəyik” deyib.

Qeyd edək ki, bu gün prezident Ərdoğanla baş nazir Əhməd Davudoğlunun doğum günüdür. Ərdoğan 62, Davudoğlu isə 58 yaşını qeyd edir.