Ərdoğan: “Dostum Putinlə iki ölkə münasibətlərində yeni səhifə açacağımıza əminəm”

Türkiyə prezidenti Rəcəb Tayyib Ərdoğan Sankt-Peterburqda Rusiya prezidenti Vladimir Putin ilə keçirəcəyi görüşün iki ölkə münasibətlərində yeni səhifə açacağını bildirib.

R.T.Ərdoğan TASS İnformasiya Agentliyinin baş direktorunun birinci müavini Mixail Qusmana müsahibəsində deyib ki, bu, tarixi səfər, yeni başlanğıc olacaq.

Türkiyə prezidenti V.Putini dostu adlandırıb: “Dostum Vladimir Putinlə danışıqlarda iki ölkə münasibətlərində yeni səhifə açacağımıza əminəm. Ölkələrimizin qarşısında bir çox problemləri birgə həll etmək vəzifəsi durur”.

R.T.Ərdoğan Rusiyanın Suriya müsahibəsində tənzimlənməsində iştirak etməsi çox vacibdir: “Rusiyanın iştirakı olmadan Suriya probleminin həllini tapmaq mümkün deyil. Yalnız Rusiya ilə əməkdaşlıq şəraitində Suriya münaqişəsini tənzimləyə bilərik”.