Cümə , Oktyabr 23 2020
Ana səhifə / İqtisadiyyat / Əhalidən və bələdiyyələrdən torpaqlar satın alınacaq

Əhalidən və bələdiyyələrdən torpaqlar satın alınacaq

“Ələt-Astara dəmiryolu xəttinin bərpası erkən müzakirələr mərhələsindədir”.

Bu barədə “APA-Economics”in sorğusuna cavab olaraq Dünya Bankının Azərbaycandakı nümayəndəliyindən bildirilib.

“Hazırda Ələt-Astara dəmiryolu xəttinin bərpası çərçivəsində tələb olunacaq texniki tədqiqatların və qiymətləndirmələrin müəyyənləşdirilməsi məqsədilə Azərbaycan hökuməti və bu layihədə maraqlı olan digər tərəflərlə müzakirələrin çox erkən mərhələsindəyik”, – deyə nümayəndəlikdən bildirilib.

Qeyd edək ki, bundan əvvəldə Dünya Bankı və “Azərbaycan Dəmir Yolları” QSC arasında bankın bu layihədə iştirakı müzakirə olunub. Hazırda “Şimal-Cənub” layihəsinin bir hissəsi olan Ələt-Astara dəmiryolu xəttinin bərpa işləri davam edir.

Xatırladaq ki, dəmiryolu xəttinin tikintisi ilə bağlı olaraq dəmiryolun keçəcəyi ərazilərdə əhalidən və bələdiyyələrdən torpaqlar satın alınacaq. Bununla bağlı Nazirlər Kabineti xüsusi qərar imzalayıb.

Həmçinin oxuyun

TAP enerji mənbələrini nəql etməyə hazırdır

Azərbaycan təbii qazının Avropaya nəqlini nəzərdə tutan Trans-Adriatik boru kəməri (TAP) hidrogen və biometan da …