Üç güləşçimiz Avropa çempionatının finalında

Macarıstanın paytaxtı Budapeştdə güləş üzrə Avropa çempionatına start verilib.
Belə ki, qitə birinciliyində öncə 57, 65, 70, 79 və 97 kq-da çıxış edən sərbəst güləşçilər mübarizəyə başlayıb.

Güləşçilərimizdən Əşrəf Aşırov (79 kq), Hacı Əliyev (65 kq) və Əliabbas Rzazadə (57 kq) finala vəsiqə qazanıb.
Zirəddin Bayramov (70 kq) isə gürcüstanlı dünya çempionu Zurabi Yakobişviliylə görüşdə sona 7 saniyə qalmış qələbəni əldən verdi və 3:4 hesabıyla məğlub oldu. Həmyerlimiz sabah bürünc medal üçün güləşəcək.