“Trabzonspor” “Fənərbağça”nı məğlub etdi

Futbol üzrə Türkiyə Super Liqasının ikinci dövrəsinin ilk turu mərkəzi qarşılaşma ilə yadda qalıb.

Son çempion “Trabzonspor” hazırkı lider “Fənərbağça” klubunu qonaq edib. Qarşılaşma 2:0 hesabı ilə ev sahiblərinin qələbəsi ilə yekunlaşıb. Qarşılaşmanın 61-ci dəqiqəsində Maksi Qomez hesabı açıb. Trezege isə oyuna əlavə edilən 11-ci dəqiqədə “Qara dəniz fırtınası”nın üstünlüyünü 2 topa çatdırıb.
Qara dəniz təmsilçisi bu qələbə sayəsində aktivindəki xalların sayını 26-ya çatdırıb. “Fənərbağça”nın aktivində isə 29 xal var.