“Tokio-2020”: Stend atıcısı Emin Cəfərov 24-cü pilləni tutub

Tokioda Azərbaycan idmançılarının da qatıldığı Yay Olimpiya Oyunları davam edir.
Belə ki, kişi və qadınlar skit növü üzrə təsnifat mərhələsinin ilk günündə qüvvələrini sınayıblar.

Stend atıcılığı üzrə Azərbaycan təmsilçisi Emin Cəfərov 71 xalla 30 iştirakçı arasında 24-cü pilləni tutub. E.Cəfərov sabah davam edəcək təsnifat mərhələsində mübarizəni davam etdirəcək. Təsnifat mərhələsindən sonra yalnız ilk 6 yerin sahibi mükafatlar uğrunda yarışacaq.

Azərbaycan milli komandası “Tokio-2020”də 44 idmançı ilə təmsil olunur.