Çərşənbə axşamı , Aprel 23 2019
Ana səhifə / İdman / Tərlan Əhmədov “Keşlə”nin baş məşqçisi postundan istefa vermək istədiyini açıqlayıb

Tərlan Əhmədov “Keşlə”nin baş məşqçisi postundan istefa vermək istədiyini açıqlayıb

“Belə oyun haqda danışmağa söz tapmıram. Autsayderlərin oyunu olduğu üçün üzərimizdə həddindən artıq təzyiq vardı. Zədəlilər də bir tərəfdən”.

Bunu “Keşlə”nin baş məşqçisi Tərlan Əhmədov Azərbaycan Premyer Liqasının XXIIl turunda səfərdə “Sumqayıt”a 1:2 hesablı məğlubiyyətdən sonra deyib.

O, bildirib ki, futbolçuları məğlub psixologiyası var və onları dəyişməkdə çətinlik çəkir: “Burada komandanı düzəltməkdə çətinlik çəkdim. Etiraf edim ki, bacarmadım. İstefa verəcəyəmmi? Rəhbərliklə danışacam. Hər şey ola bilər. Əvvəl işlədiyim yerlərdə alınırdı, burda mümkün olmadı. Rəhbərlik danışıb, qərar verəcəyik. Bu mövsüm mənə qədər 2 baş məşqçi dəyişib. Yayda komandaya yetərincə yaxşı futbolçular cəlb etmək lazım idi. Qışda da cəmi 6 oyunçu götürdük”.

T.Əhmədov deyib ki, səhvləri analiz etsələr də, nəticə əldə etmək olmur: “AZAL-da komandanı özüm qurmuşdum. Orda pul olmasa da, mənə görə canlarını qoyurdular. Burada həmin komandanı qura bilmədim. Bəlkə qalan 5 turda kimsə bunu bacara bilər”.

Həmçinin oxuyun

Rafael Ağayev Mərakeşdə bürünc medal qazanıb

Mərakeşin paytaxtı Rabatda Dünya Karate Federasiyasının (WKF) “Karate 1” seriyasından Premyer Liqa turniri başa çatıb. …