Ana səhifə / İdman / Şahin Diniyev Mahmud Qurbanovun qərarını ləğv etdi

Şahin Diniyev Mahmud Qurbanovun qərarını ləğv etdi

“Səbail”in yeni baş məşqçisi Şahin Diniyev sələfi Mahmud Qurbanovun bir neçə gün əvvəl göndərmək istədiyi 4 əcnəbi futbolçudan 3-nü komandada saxlayıb.

Bakı klubunda baş məşqçi dəyişikliyi braziliyalı müdafiəçi Qustavo de Fransa, ukraynalı yarımmüdafiəçi Maksim Çex və portuqaliyalı hücumçu Kizito Luvaqanun komandada qalmasına səbəb olub.

Dekabrın 28-də paytaxt təmsilçisinin sükanı arxasına gətirilən Şahin Diniyev adıçəkilən oyunçuların mövsümün ikinci yarısında sərəncamında qalmasını istəyib. Yalnız argentinalı müdafiəçi Fakundo Kardozo ilə bağlı qərar dəyişməyib. 27 yaşlı oyunçu “Səbal”i tərk edib.

Kardozo ilə yanaşı, 3 yerli futbolçu – yarımmüdafiəçilər Tural Bayramlı, Emin Zamanov və Vüsal Qənbərovla da yollar ayrılıb.

Qeyd edək ki, “Səbail” 18 turdan sonra 10 xalla turnir cədvəlinin sonuncu – 10-cu pilləsində qərarlaşıb.

Həmçinin oxuyun

UEFA rəhbəri “Real Madrid” prezidentini irqçi və axmaq adlandırıb

UEFA prezidenti Aleksander Çeferin İspaniya Kral Futbol Federasiyasının keçmiş rəhbəri Luis Rubialeslə yazışarkən “Real Madrid”in …