Cümə , Dekabr 4 2020
Ana səhifə / İdman / Rüstəm Qasımov Avropa çempionu oldu – FOTO

Rüstəm Qasımov Avropa çempionu oldu – FOTO

Kosovonun paytaxtı Priştina şəhərində 22 sentyabr tarixində start götürən 15 və 17 yaşlı yeniyetmə ağır atletlər arasında Avropa birinciliyi davam edir.

Azərbaycan Ağır Atletika Federasiyası bildirir ki, yarışda 40-a yaxın ölkədən 305 atlet (175 oğlan və 130 qız) medallar uğrunda mübarizə aparır.

Bu gün iki Azərbaycan atleti – Murad Əliyev və Rüstəm Qasımov da körpücük üzərinə çıxıb. Onların hər ikisi 15 yaşlı atletlərin 56 kq çəki dərəcəsində medal mübarizəsinə qoşulub.

Murad Əliyev birdən qaldırma hərəkətində hər üç yanaşmasını uğursuz başa vuraraq bu hərəkəti sıfır nəticə ilə bitirib. O, təkanla qaldırma hərəkətində 105 kq-ı ram etməyi bacarıb və bu hərəkətdə 9-cu olub.

Rüstəm Qasımov isə birdən qaldırma hərəkətində hər üç yanaşmasını uğurla yerinə yetirib. Ardıcıl olaraq 92, 96 və 100 kq-ı ram edən atletimiz bu hərəkətdə Avropanın ən yaxşısı olub. Üstəlik, 100 kq-ı başı üzərinə qaldırmaqla birdən qaldırma hərəkətində türkiyəli Toptaş Caner məxsus olan Avropa rekordunu (99 kq) yeniləməyi bacarııb.

Rüstəm təkanla qaldırma hərəkətində də möhtəşəm çıxış edib. Qasımov növbə ilə 112, 118 və 121 kq-ı başı üzərinə qaldırmaqla bu hərəkətdə Avropada hamıdan yaxşı olduğunu sübut edib.

Toplamda 221 kq (100+121) nəticə əldə edən Rüstəm Qasımov yeniyetmələr arasında Avropa birinciliyinin qalibi adını qazanıb.

Həmçinin oxuyun

“Keşlə”də 10 futbolçuda koronavirus aşkarlandı

“Keşlə” klubunda 10 futbolçu koronavirusa yoluxub. “Report”un məlumatına görə, bu, sonuncu testlərdən sonra müəyyənləşib. Adları …